母與子之莊子篇

母與子在超級市場，正討論今晚買乜餸。

媽：仔，你今晚想食乜？
仔：食牛扒。
媽：衰仔，啲牛扒假㗎，佢地用牛肉膏搽响啲豬肉道，呃我啲錢。
仔：噉食豬扒喇。
媽：啲豬會發豬瘟㗎。
仔：噉食雞囉。
媽：啲雞有禽流感呀。
仔：噉食鴨喇。
媽：衰仔，都話有禽流感咯，上次佢地仲質咗幾隻假蛋落隻鴨度，呃咗我七蚊。
仔：噉我淨係食雞蛋喇。
媽：都話有假蛋咯。
仔：食魚囉，魚有益吖。
媽：你冇聽過孔雀石綠咩？
仔：食海鮮喇。
媽：啲海水比啲工廠污染哂喇。
仔：噉食菜囉。
媽：啲菜好多農藥㗎。
仔：食有機嗰啲囉。
媽：你唔好噤幼稚啦，報紙都有賣啦，好多有機呃人㗎。
仔：噉豉油撈飯喇。
媽：啲豉油假㗎，係啲坑渠水溝鹽，食死你呀。
仔：腐乳撈飯囉。
媽：生cancer吖。
仔：噉淨係食飯喇。
媽：衰仔，啲飯糖份好高㗎，肥死你呀。
仔：我飲奶喇。
媽：你唔驚三聚氰胺咩？
仔：媽，我決定咗喇。我不食五穀，吸風飲露；乘雲氣，御飛龍，而遊乎四海之外。我升仙喇！
媽：你估你真係莊子咩，啲風同啲露都有輻射㗎！

以上是小女子對當代食物有感而發之廢噏。